Share on facebook
Share on twitter

Þjónusta á heilsueflandi móttökum í heilsugæslu verði samræmd um allt land

Þróunarmiðstöð íslenskrar heilsugæslu mun gegna mikilvægu hlutverki við innleiðingu á heilsueflandi móttökum í heilsugæslu á landsvísu. Ráðinn verður verkefnisstjóri í þessu skyni og hefur heilbrigðisráðherra veitt þróunarmiðstöðinni 15 milljónir króna til verkefnisins á þessu ári og því næsta.

Svandís Svavarsdóttir heilbrigðisráðherra kynnti í nóvember síðastliðnum ákvörðun um að ráðstafa 200 milljónum króna af fjárlögum þessa árs til að koma á fót heilsueflandi móttökum um allt land innan heilsugæslunnar. Móttökurnar verða ætlaðar eldra fólki og einstaklingum með fjölþætt eða langvinn heilsufarsvandamál. Markmiðið er að tryggja þessum hópi þverfaglega og heildstæða heilbrigðisþjónustu og innleiða skipulagða heilsuvernd fyrir aldraða.

Hlutverk verkefnisstjórans verður að efla og samræma vinnulag á heilsueflandi móttökum heilsugæslunnar um allt land. Heilsueflandi móttökur sem stuðla að bættri heilsu geta haft mikil áhrif á þjónustukeðju heilbrigðiskerfisins í heild. Væntur ávinningur af verkefninu eru m.a. aukin lífsgæði þeirra sem eiga í hlut og að draga megi úr eða seinka þörf hópsins fyrir annars og þriðja stigs heilbrigðisþjónustu.

Önnur afrek á sama sviði

Breyttar reglur um greiðslur fyrir þjónustu sjúkraþjálfara

Bætt aðgengi íbúa Austurlands að þjónustu sérgreinalækna

600 mánaðarlaun til viðbótar til listamanna

Samtökin ´78 fá styrk til að styðja enn betur við börn og ungmenni

Frumvörp um framhald hlutastarfaleiðar og aukinn stuðning við fyrirtæki samþykkt í ríkisstjórn

3.000 sumarstörf fyrir námsmenn

Samtökin Móðurmál styðja nemendur af erlendum uppruna

Atvinnumál, menntaúrræði og aðgerðir fyrir atvinnuleitendur og námsmenn

Örorku- og endurhæfingarlífeyrisþegar fá 20.000 króna eingreiðslu vegna COVID-19