Bygging 60 rýma hjúkrunarheimilis í Árborg hafin

Share on facebook
Share on twitter

Svandís Svavarsdóttir heilbrigðisráðherra og Gísli Halldór Halldórsson bæjarstjóri Árborgar tóku fyrstu skóflustunguna að nýju hjúkrunarheimili fyrir íbúa sveitarfélaga á Suðurlandi 25. Nóvember 2019. Stefnt er að því að hjúkrunarheimilið verði tilbúið til notkunar haustið 2021. Með tilkomu heimilisins fjölgar hjúkrunarrýmum á svæðinu um 25 frá því sem nú er. Áætlaður kostnaður við framkvæmdirnar eru 2,9 milljarðar króna og er verkefnið fjármagnað þannig að 84% kostnaðarins greiðist úr ríkissjóði og Framkvæmdasjóði aldraðra en sveitarfélagið Árborg greiðir 16% framkvæmdakostnaðar.