Rannsókn og vöktun hafin á minkum

Share on facebook
Share on twitter

Guðmundur Ingi Guðbrandsson, umhverfis- og auðlindaráðherra, og Róbert A. Stefánsson, forstöðumaður Náttúrustofu Vesturlands, hafa skrifað undir samning um rannsóknir og vöktun Náttúrustofu Vesturlands á minkum. Markmið samningsins er að afla og vinna úr vísindalegum gögnum um mink í náttúru landsins, sem meðal annars má nýta til að styðja við bætt skipulag og framkvæmd minkaveiða.

Minkurinn er mjög ágeng tegund sem er framandi í íslenskri náttúru og hefur valdið skaða á lífríki landsins. Mikilvægt er að halda tjóni af völdum minksins í lágmarki og það verður best gert í góðri samvinnu veiðimanna, rannsóknaraðila og stjórnvalda.