Framlög til umhverfismála hækka um rúman einn milljarð króna milli áranna 2019 og 2020 samkvæmt fjárlagafrumvarpi ríkisstjórnarinnar. Er þá ekki meðtalin hækkun vegna launa- og verðlagsbóta sem nema tæpum 400 milljónum króna.
Gert er ráð fyrir að auka framlög til loftslagstendra verkefna á árinu 2020 um 455 milljónir króna, einkum í tengslum við aðgerðaáætlun í loftslagsmálum. Framlög aukast einnig til uppbyggingar innviða, rannsókna og vöktunar á svæðum í íslenskri náttúru, auk þess sem framlög til landvörslu verða aukin. Í heildina hafa fjárveitingar aukist um rúm 24% af raunvirði það sem af er kjörtímabilinu.